İspaniyada matəm elan edildi

Yazar Bizimxəbər 2024-10-31 11:58:08 1057

İspaniya hökuməti daşqınların qurbanlarının sayının çox olması səbəbindən, oktyabrın 31-dən başlayaraq üç günlük matəm elan edib. Ölkənin şərqindəki Valensiya bölgəsi və onun inzibati mərkəzi olan Valensiya şəhəri ən çox zərər çəkib.

Bizimxeber.az bildirir ki, son məlumata görə, 95 nəfər ölüb. On92 - Valensiyada, 2 - Kastilya-La Mançada və 1 - Əndəlüsdə. İspaniya hökuməti ölənlərin sayının artacağını gözləyir.

Qeyd edək ki, oktyabrın 29-da güclü yağış və daşqınlar başlayıb. Meteoroloqların məlumatına görə, Valensiyanın bəzi ərazilərində illik yağıntı norması səkkiz saata çatıb. Daşqınlar evləri və digər tikililəri, yolları, körpüləri, elektrik xətlərini və digər infrastrukturları dağıdıb və sıradan çıxarıb.

Bir çox ispanlar sosial şəbəkələrdə hakimiyyəti təkcə erkən xəbərdarlıq sisteminin səmərəsizliyinə görə deyil, həm də fəlakətin nəticələrinə zəif reaksiyaya görə tənqid edirlər.

İspaniya Silahlı Qüvvələrinin hərbçiləri və aviasiya qüvvələri fəlakət zonasında axtarış-xilasetmə əməliyyatlarında iştirak edir. Onlar da dronlarla itkin düşənləri axtarırlar. İspaniyanın müdafiə naziri Marqarita Robles təbii fəlakəti görünməmiş adlandırıb.