Albaniyada müxalifət kütləvi etiraza başladı - "Hökumət dəyişsin" - FOTO

Yazar Bizimxəbər 2024-10-30 13:08:06 4126

Albaniyada müxalifət qüvvələri etiraz aksiyalarına başlayıblar.

Bizimxeber.az bildirir ki, müxalifət 2025-ci ildə keçiriləcək parlament seçkiləri öncəsi hökumətin texnokratik müvəqqəti kabinetlə əvəzlənməsi tələbini irəli sürür.

Millət vəkillərinin başçılıq etdiyi yüzlərlə müxalifət tərəfdarı paytaxt Tirananın əsas magistralında və ölkə boyu digər beş əsas yolda nəqliyyatın hərəkətini bağlayıb.

Tiranada müxalifətin deputatları üç saatlıq nəqliyyatın qarşısını almaq üçün maşınlarını yollarda park ediblər. Başqa yerlərdə müxalifət tərəfdarları yol kənarında oturaq aksiyalar keçirib və ya təkərləri yandırıblar.

 

Hökumət binalarını, nəqliyyatı və asayişi qorumaq üçün minlərlə polis səfərbər edilib. Etiraz aksiyaları zamanı fəallarla hüquq-mühafizə orqanları əməkdaşları arasında toqquşmalar qeydə alınıb.

Qeyd edək ki, keçmiş baş nazir Sali Berişanın rəhbərlik etdiyi Demokrat Partiyası uzun müddətdir ki, baş nazir Edi Ramanın sosialistlərini korrupsiyada, əvvəlki seçkilərin manipulyasiyasında və məhkəmə hakimiyyətinin səlahiyyətlərini qəsb etməkdə ittiham edir.