Sərhəddə qaçaqmalçılardan 380 tutuquşu aşkarlandı

Yazar Bizimxəbər 2024-11-09 00:33:25 16995

Serbiya sərhədində gömrük işçiləri polislə birlikdə qaçaqmalçılıq yolu ilə Bolqarıstana keçirməyə cəhd edilən 380 quş ələ keçirib.

Bizimxeber.az bildirir ki, bu barədə Serbiyanın Gömrük Departamenti məlumat yayıb.

Noyabrın 7-də Serbiya gömrükçüləri Qradın sərhəd-keçid məntəqəsində yoxlama üçün saxlanılan avtomobilin yük yerindən tutuquşuların olduğu 18 qəfəs aşkar ediblər. 

 

Sürücünün müşayiət edən sənədləri olmayan tutuquşular üç növə aid olub: çəhrayı yanaqlı parakeet, papağan və Yeni Zelandiya kakariki.

Qeyd olunur ki, sonuncu qorunan növdür.

 "Tutuquşu təcili müalicə üçün Yaqodinadakı (Serbiyanın mərkəzi şəhəri. - Red.) zooparka aparılıb, sürücü və avtomobil isə polis və prokurorluq tərəfindən aparılıb.", - Serbiya gömrüyü əlavə edib.