Trampa qarşı olan cinayət işi dayandırıldı

Yazar Bizimxəbər 2024-11-13 01:39:32 1764

Nyu-Yorkda keçmiş ABŞ prezidenti Donald Trampın porno ulduz Stormi Danielsə qarşı gizli ödənişlə əlaqədar saxtalaşdırılan biznes sənədləri ilə bağlı açılmış cinayət işi ilə bağlı mühüm bir qərar verilib.

Bizimxeber.az bildirir ki, Nyu-Yorkun hakimi Xuan Merkant, işin qərara bağlanmasını noyabrın 19-dək təxirə saldığını açıqlayıb. Hakim, bu müddət ərzində prokurorlardan Trampın ABŞ prezidenti seçilməsinin bu cinayət işinə necə təsir edəcəyinə dair yeni məlumatlar təqdim etmələrini tələb edib.

Merkantın qərarı, Trampın prezidentlik toxunulmazlığının bu işə necə təsir göstərəcəyi ilə bağlı Ali Məhkəmənin verəcəyi qərara bağlıdır. Ali Məhkəmənin bu məsələyə aydınlıq gətirməsi, Trampın bu cinayət işindən toxunulmazlıq qazanıb-qazanmayacağına dair önəmli nəticələrə gətirib çıxara bilər.

Xatırladaq ki, 2016-cı il prezident seçkilərindən əvvəl Stormi Daniels ilə cinsi əlaqədə olduğu iddialarını danmaq məqsədilə Trampın 130 min dollar ödədiyi və bu əməliyyatın gizlədilməsi üçün biznes sənədlərini saxtalaşdırdığı iddia olunur. Bu iş, Trampın qarşılaşdığı yeganə cinayət işi olmayıb, digər hüquqi məsələlər hələ həll edilməyib.

Seçkilər öncəsi bu işin nəticələri, Trampın gələcək hüquqi durumuna və ABŞ prezident seçkilərindəki mövqeyinə ciddi təsir göstərə bilər.