Rusiya Britaniya sahillərinə hücum sualtı gəmi göndərib

Yazar Bizimxəbər 2024-07-02 14:18:51 4537

Rusiya Hərbi Dəniz Qüvvələri son bir il yarım ərzində Böyük Britaniya sahillərində nüvə sualtı qayığının iştirakı ilə iki missiya həyata keçirib.

Bizimxeber.az "Bloomberg"ə istinadən bildirir ki, gəmi İrlandiya dənizində görünüb.

NATO Kilo sinifli sualtı qayıqları Project 887 Halibut və Project 636 Varshnyavka adlandırır. Onlar “Kalibr” qanadlı raketləri, həmçinin torpedalar və dəniz minalarını atmağa qadirdir.

Nəşrin anonim həmsöhbətlərinin sözlərinə görə, ilk missiyanı Rusiya 18 ay əvvəl həyata keçirib. 2023-cü ildə yerli media hərbi helikopter və gəminin sualtı qayığı Kork limanından kənarda müşayiət etdiyini bildirdi. Lakin sualtı qayığın İrlandiya dənizində üzdüyü yalnız indi məlum olub.

İkinci epizod Rusiya Hərbi Dəniz Qüvvələrinin Kubadakı təlimləri ilə bağlıdır. Rusiya gəmisinin Latın Amerikasına yollanarkən Böyük Britaniya sahillərində olduğu ortaya çıxıb. Müdafiə Nazirliyi Kubaya səfərdən əvvəl Atlantik okeanında yüksək dəqiqlikli raket silahlarından istifadə üzrə təlimlərin keçirilməsi barədə məlumat verib .

Bu arada Amerika rəsmiləri Rusiya sualtı qayıqlarının hərəkətindən xəbərdar idilər və ABŞ Rusiya donanmasının fəaliyyətinə nəzarət edir. Britaniya və Rusiya Müdafiə nazirlikləri agentliyə bu məlumatı şərh etməyiblər.