Berlin yaxınlığındakı Tesla zavoduna hücum edildi - VİDEO

Yazar Bizimxəbər 2024-05-10 17:54:28 7192

Mindən çox solçu radikal Tesla zavodunun ərazisinin genişləndirilməsinə etiraz etmək üçün Berlin yaxınlığındakı Qrünheydə toplaşıb.

Bizimxeber.az bildirir ki, bu barədə Bild nəşri məlumat yayıb.

Nəşrin məlumatına görə, 1200-dən çox radikal sol fəal Tesla zavodunun yaxınlığında toplaşıb. Onlar ayrı-ayrı qruplar halında istehsalçının elektrik avtomobillərinin saxlandığı 300 hektarlıq hasarlanmış əraziyə soxulmağa çalışırlar.

Polis təxribatdan qorxur, çünki etirazçılara əvvəllər transformator köşkünün yandırılmasına görə məsuliyyəti öz üzərinə götürən Vulkan qrupu dəstək verir. Fəallar çadırlarla düşərgə qurduqları üçün zavoda hücum etmək cəhdlərini davam etdirmək niyyətindədirlər.

Teslanın Berlin yaxınlığında yeni inşa etdiyi zavodu 100 hektardan çox meşənin kəsilməsini nəzərdə tutan genişləndirmə planlarına görə ətraf mühit fəalları tərəfindən dəfələrlə hücuma məruz qalıb.