Yeni Kaledoniyada vəziyyət normallaşır - Hava limanı açıldı

Yazar Bizimxəbər 2024-06-17 13:23:40 4602

Fransanın Sakit okean sahilində yerləşən Yeni Kaledoniya ərazisinin hakimiyyət orqanları gecə komendant saatını azaldıb və vətəndaş iğtişaşları səbəbindən bir aydır bağlanmış beynəlxalq hava limanını yenidən açıb.

Bizimxeber.az bildirir ki, bu barədə AP məlumat yayıb .

Yeni Kaledoniyanın paytaxtı Noumeyanı Avstraliyanın Sidney, Yaponiyanın Tokio, Sinqapur və regionun digər şəhərləri ilə birləşdirən La Tontuta Beynəlxalq Hava Limanı yenidən açılıb.

Rəsmilər "vəziyyəti yaxşılaşdırmaq və tədricən normal həyata qayıtmağı asanlaşdırmaq üçün" gecə komendant saatı da iki saat qısaldılır.

Qeyd edək ki, Fransa prezidenti Emmanuel Makron, may ayında arxipelaqda vətəndaş iğtişaşlarına səbəb olan ölkənin xaricdəki Yeni Kaledoniya ərazisində seçki islahatlarının dayandırıldığını elan edib.