Torpaq sahəsi olanlar da işsizlikdən sığorta ödənişi ala biləcəklər

Yazar Bizimxəbər 2023-12-08 14:20:32 3682

Torpaq payı olan vətəndaşların işsizlikdən sığorta ödənişi almaq hüququ olacaq.

Bu məsələ  Milli Məclisin bu gün keçirilən iclasında müzakirəyə çıxarılan "İşsizlikdən sığorta haqqında” qanuna təklif edilən dəyişiklikdə əksini tapıb. 

Layihəyə əsasən, qanuna işsizlikdən sığorta ödənişinin ödənilməsi üçün əsas olan əmək müqaviləsinə xitam verilməsinin əsasları əlavə edilir. 

Qanun layihəsi səsverməyə çıxarılaraq birinci oxunuşda qəbul edilib.