Scholz: "NATO güclü olmalıdır ki, heç kim ona hücum etməyi düşünməsin" 

Yazar Bizimxəbər 2024-11-04 22:03:41 4538

Almaniya kansleri Olaf Şolz və NATO-nun baş katibi Mark Rutte, Alyansın Avropa hissəsinin müdafiəsini gücləndirməyin zəruriliyi barədə razılaşıblar.

Bizimxeber.az bildirir ki, bu barədə NATO baş katibinin Almaniyaya səfəri zamanı keçirilən mətbuat konfransında bildirilib.

Şolz, Rusiyanın Ukraynaya qarşı müharibəsinin NATO-nu daha da gücləndirdiyini qeyd edərək, müttəfiqlərin birliyini pozmağı bacarmadığını vurğulayıb.

Həmçinin, o, Almaniyanın müdafiəyə yatırımlarını artıraraq, ÜDM-nin 2%-ni müdafiəyə sərf etməyə davam edəcəyini bildirib. Rutte isə NATO üzv ölkələrinin daha çox müdafiə xərcləməli olduğunu, çünki Rusiya'nın hibrid hücum kampaniyaları apardığını və bu müharibənin cəbhəsinin artıq Ukrayna sərhədlərindən kənara çıxdığını qeyd edib.

Rutte, həmçinin Şimali Koreya hərbçilərinin Rusiya'nın Kursk vilayətində olduğuna dair məlumatları təsdiqləyib. ABŞ tərəfindən verilən məlumatlara görə, orada 8 minə yaxın Şimali Koreya əsgəri yerləşdirilib və onlar yaxın zamanda döyüşlərdə iştirak edə bilərlər. Bu, NATO-nun təhlükəsizlik strategiyalarının daha da əhəmiyyətli hala gəldiyini göstərir.