Rumıniya sərhəddində naməlum hədəf - 4 qırıcı havaya qaldırıldı

Yazar Bizimxəbər 2024-10-18 13:06:44 1656

Rumıniya naməlum hədəfin ölkənin hava məkanını keçməsindən sonra səmaya dörd döyüş təyyarəsi çıxarıb.

Bizimxeber.az bildirir ki, bu barədə ölkənin Müdafiə Nazirliyi məlumat yayıb.

Belə ki, radarlar Konstanz qraflığının 150 km şərqində Qara dəniz bölgəsində "kiçik hava hədəfi" aşkar edib. Vəziyyəti izləmək üçün İspaniya Hərbi Hava Qüvvələrinə məxsus iki F-18 və Rumıniya Hərbi Hava Qüvvələrinə məxsus iki F-16 təyyarəsi səmaya qaldırılıb və Müdafiə Nazirliyi hadisə ilə bağlı müttəfiq qüvvələri məlumatlandırıb.

Daha sonra obyekt Eforie Nord şəhəri ərazisində Rumıniyanın quru sərhədini keçərək həmin qraflığın Topraisar qəsəbəsinə doğru istiqamət alıb. Hədəf 14 km içəri daxil olub, lakin Amzach qəsəbəsinin şərqində müşahidə sisteminin radarından itib.

Ölkənin Müdafiə Nazirliyindən verilən məlumata görə, qırıcı təyyarələr ölkə ərazisindəki obyektlə əlaqə saxlamayıb və saat 20:15-də həyəcan siqnalı verilib və bütün təyyarələr öz dislokasiya bazalarına qayıdıblar.

Obyektin dəqiq hara düşdüyü məlum deyil və ərazidə axtarış aparmağı planlaşdırırlar.

Xatırladırıq ki, bu yaxınlarda Dunay üzərində Ukraynanın İzmaili ilə üzbəüz yerləşən Rumıniya icmasının ərazisində növbəti dəfə “Şahed” tipli hücum pilotsuz təyyarəsinin qalıqları aşkar edilib və Rumıniyanın Müdafiə Nazirliyi bu hücumu pisləyib.