Putin Ukrayna üzrə xüsusi nümayəndə vəzifəsini ləğv etdi

Yazar Bizimxəbər 2024-06-12 12:41:18 3190

Rusiya Prezidenti Vladimir Putin öz administrasiyasının yeni strukturunu təsdiq edib. 

Putin bununla bağlı Sərəncam imzalayıb. 

Sərəncama əsasən, Rusiya lideri 5 yeni idarə əlavə edib, əvvəl mövcud olan birini isə ləğv edib. Administrasiyanın yeni strukturunda sosial proseslərin monitorinqi, ölkənin dəniz siyasəti məsələləri, Dövlət Şurasının təşkili, humanitar və müdafiə-sənaye kompleksi sahələrində dövlət siyasəti ilə məşğul olan xidmətlər yaradılacaq.

Bununla yanaşı, Sərəncamla Dövlət Şurasının fəaliyyətinin təmin edilməsi ilə bağlı daha əvvəl mövcud olan idarə ləğv edilib.

Eyni zamanda, Rusiya Prezidentinin Ukrayna ilə bağlı xüsusi nümayəndəsi vəzifəsi də ləğv edilib.