Pinqvin və qazın qarışığına bənzəyən dinozavr skeleti aşkar edilib

Yazar Bizimxəbər 2022-12-02 12:39:00 2038

Monqolustanın cənubundakı Qobi səhrasında elm adamları pinqvin və qazın qarışığına bənzəyən və çoxlu dişlərə malik olan dinozavr skeleti aşkar ediblər.

Bizimxeber.az bildirir ki, bu barədə "Newsweek" məlumat yayıb.

Qalıqlar hələ 2008-ci ildə tapılıb, lakin onların təhlilinin nəticələri yalnız 1 dekabr 2022-ci ildə Communications Biology jurnalında dərc edilib.

Kəllə, onurğa sütunu, bir ön və iki arxa ətrafı ehtiva edən fosil 66-145 milyon il əvvəl yaşamış dinozavrlara aid hesab olunub. 

Newsweek-in məlumatına görə, bu dinozavr növünə Natovenator polydontus adı verilib ki, bu da “çox dişli üzən ovçu” mənasını verir. 

Tədqiqatda deyilir ki, natovenator müasir dalğıc quşlarına bənzəyirdi, lakin sürünən idi və teropodlarla, yəni iki ayaq üstə gəzən ətyeyən dinozavrlarla əlaqəli idi. Məsələn, tiranozavrlar eyni qrupa aid idi.

Yarı suda yaşayan dinozavrların kəşfi o deməkdir ki, dinozavrların ekoloji müxtəlifliyi çox yüksək idi və bu, onların həyat tərzinə dair qərəzlərimizi dəyişə bilər.