Nümayəndələr Palatasından Ukraynaya daha bir zərbə - Tətilə çıxdılar

Yazar Bizimxəbər 2024-02-16 11:45:59 2964

ABŞ Konqresinin Nümayəndələr Palatasının spikeri Mayk Conson Ukraynaya dəstək üçün vəsaiti ehtiva edən qanun layihəsini səsverməyə çıxarmadan fevralın sonuna qədər palatanı fasiləyə göndərib.

Bizimxeber.az bildirir ki, bu barədə “The Hill” nəşri yazıb.

Nümayəndələr Palatasının bütün səsvermələri ləğv edilib və Nümayəndələr Palatasının üzvləri fevralın 28-dək işə qayıtmayacaqlar, bu da Ukraynaya dəstək verməyə davam etmək üçün çoxdan gözlənilən səsverməni ən azı iki həftə gecikdirəcək.

Ağ Evin sözçüsü Endryu Beyts Nümayəndələr Palatasının sədrini bu qərarına görə tənqid edib."Milli təhlükəsizlik vəziyyətimizin spiker Consona görə pisləşdiyi hər  gün Amerika itirir" deyən Bates, Respublikaçılar Partiyasının seçicilər arasında etibarının da itirildiyini əlavə edib.