Norveçli balıqçılar Amerikanın nüvə sualtı qayığını torla "tutdu"

Yazar Bizimxəbər 2024-11-15 13:26:02 2907

Norveçin Tromso şəhəri yaxınlığında ABŞ Hərbi Dəniz Qüvvələrinin "Virciniya" adlı nüvə sualtı qayığı balıqçıların torlarına ilişib. Hadisə Malanqsfyordda baş verib. Balıqçılar halibut tutmaq üçün atdıqları toru dənizin dibində lövbər salmış və sualtı qayığı toru sürükləyərək 3 kilometrdən çox məsafə qət edib. Norveç Sahil Mühafizəsi gəmisinin köməyi ilə tor çıxarılıb.

"Virciniya" sinfinə aid olan sualtı qayığın çəkisi 7800 ton, uzunluğu isə 115 metrdir. ABŞ Hərbi Dəniz Qüvvələri hadisəni təsdiqləyib, lakin hər hansı ciddi zərər və ya problem olmadığını bildirib. Hadisə ilə bağlı balıqçı gəmisi heyətinin üzvü Harald Engen, torun itirilməsinə soyuqqanlı yanaşdığını qeyd edib: "Buna əsəbləşməyin mənası yoxdur", – deyə o, bildirib.

Bu hadisə, Norveçin sahil mühafizəsi və dəniz təhlükəsizliyinə olan diqqətini bir daha gündəmə gətirib.