Nehrəmdə izdiham - Qəsəbə sakinləri İlham Əliyevin qələbəsini bayram edir

Azərbaycanda keçirilən növbədənkənar prezident seçkilərində Naxçıvan Muxtar Respublikasında seçici fəallığı müşahidə olunub. Rəsmi məlumata görə, Muxtar Respublika üzrə seçici fəallığı 82.09 faiz olub.

Həmçinin Babək rayonunun Nehrəm qəsəbə inzibati ərazi dairəsində də seçici aktivliyi xüsusilə diqqət çəkib. Qəsəbə sakinləri seçki məntəqələrində böyük izdiham yaradıb, Prezident İlham Əliyevi dəstəkləyiblər, ona səs veriblər.

İlkin nəticələr açıldıqdan sonra qəsəbə sakinləri Prezident İlham Əliyevin seçkilərdə inamlı qələbəsi münasibətilə yürüş keçirib, konsert proqramı təşkil edib. Yürüşdə minlərlə vətəndaş, qazilər, müharibə veteranları, şəhid ailələrinin üzvləri də qatılıblar.