"Mən dünyanı idarə edirəm" - Co Bayden

Yazar Bizimxəbər 2024-07-07 02:11:23 11502

ABŞ prezidenti Co Bayden deyib ki, Kreml hökmdarı Vladimir Putini “dayandıran” məhz o olub. 

Bizimxeber.az bildirir ki, bunu Amerika prezidenti ABC telekanalına müsahibəsində deyib.

Müsahibə zamanı Bayden Ukraynanı dəstəkləməyi və 50-dən çox müttəfiqi Ukraynaya yardım ətrafında birləşdirməyi prezidentliyinin əsas nailiyyətlərindən biri adlandırıb.

O, həm də yaxşı formada olduğunu və prezident seçkilərində Donald Trampı məğlub edə biləcəyini təkidlə bildirib.

Aparıcıdan nevroloji və koqnitiv testləri əhatə edən müstəqil tibbi müayinədən keçmək istəyib-istəmədiyini soruşduqda, Bayden "hər gün" koqnitiv testdən keçdiyini söylədi.

"Mən hər şeyi edirəm. Bilirsiniz, mən sadəcə kampaniya aparmıram, dünyanı idarə edirəm. Bunun hiperbolik səslənməsini istəmirəm, amma biz dünyanın ən vacib millətiyik... Mən biriyəm. NATO-nun gələcəyini bir araya gətirən, mən onu genişləndirə biləcəyimi düşünmürdüm”, - deyə Bayden bildirib.

Bayden, uğursuz debatdan sonra ona edilən çağırışlar fonunda seçkidən çəkilmək fikrində olmadığını da bildirib.