İsveçin ən böyük əyləncə parkında yanğın oldu - FOTO

Yazar Bizimxəbər 2024-02-12 20:58:12 1134

İsveçin Göteborq şəhərindəki Liseberq əyləncə parkında 2024-cü ilin yayında açılması planlaşdırılan akvaparkdakı su sürüşməsində böyük yanğın baş verib. 

Bizimxeber.az bildirir ki, bu barədə SVT məlumat verib.

Yanğın sürətlə yayılaraq bütün təpəni bürüyüb, həmçinin yaxınlıqdakı örtülü otağa da keçib. 

Xilasetmə xidmətləri fövqəladə xəbərdarlıq elan edərək, yanğının yaxınlığında yaşayan hər kəsi pəncərələri və havalandırmanı bağlamağa və binaları tərk etməməyə çağırıb. 

Polisin son məlumatına görə, hadisə nəticəsində 13 nəfər yüngül xəsarət alıb. 

 

 

İsveçdə və Şimali Avropa ölkələri arasında ən böyük əyləncə parkı olan Lisebergdəki Oceana su parkı 2020-ci ildən tikilir və bu yay açılmalı idi. İsveç mətbuatının məlumatına görə, tikintinin dəyəri 106 milyon avrodan çoxdur.