İsrail Fransada keçirilən müdafiə sərgisinə qatılacaq - Qərar verildi

Yazar Bizimxəbər 2024-06-18 18:24:05 3536

Paris məhkəməsi Fransanın Eurosatory müdafiə sərgisinin təşkilatçıları Coges Events şirkətinə İsrail şirkətlərinin sərgidə iştirakına qoyulan qadağanı dayandırmaq qərarı verib.

Bizimxeber.az bildirir ki, bu barədə Fransa-İsrail Ticarət Palatasının vəkili Patrik Kluqman AFP-ə bildirib.

Klugmanın sözlərinə görə, Coges Events-in 74 İsrailli sərgi iştirakçısını Eurosatory-dən qadağan etmək qərarı ayrı-seçkilik idi. Şirkət ötən ay İsrailin sərgidə iştirakına qadağanın Fransa hökuməti tərəfindən təsdiqləndiyini bildirsə də, qərara heç bir izahat təqdim etməyib.

Eurosatory silah sərgisi iyunun 17-dən 21-dək Paris regionunda fəaliyyət göstərir. AFP-nin məlumatına görə, bu il Eurosatory-də ümumilikdə 2000-ə yaxın şirkət qeydiyyatdan keçib, onlardan 74-ü İsraildəndir.

Bu, minlərlə fələstinli mülki şəxsin həlak olması ilə nəticələnən Qəzza müharibəsindəki strategiyasına görə İsrailin artan tənqidi fonunda baş verir.