HƏMAS lideri Yəhya Sinvarın yerini İsrailə ABŞ kəşfiyyatı verib

Yazar Bizimxəbər 2024-10-18 12:50:33 1872

ABŞ hərbçiləri İsrailin HƏMAS lideri Yəhya Sinvarın məhv edilməsi əməliyyatında iştirak etməyib, ABŞ kəşfiyyatı isə HƏMAS liderlərinin yeri barədə məlumat verib. 

Bizimxeber.az bildirir ki, bunu bunu ABŞ Müdafiə Nazirliyinin nümayəndəsi general-mayor Pet Rayder deyib. Bu, ABŞ ordusunun birbaşa iştirak etmədiyi bir İsrail əməliyyatı olub.

"ABŞ girovların azad edilməsi və girovların saxlanmasına cavabdeh olan HƏMAS liderlərinin izlənməsi ilə bağlı məlumat və kəşfiyyat məlumatlarının verilməsinə kömək etdi", - Rayder bildirib.

Rayder İsrailin hava hücumundan müdafiə sistemini gücləndirmək üçün Amerikanın THAAD batareyasının gəlməsini də şərh edib. O, bu silahların komponentlərinin ölkəyə gəlişinə başladığını vurğulayıb.

"O, yaxın vaxtlarda əməliyyat baxımından hazır olacaq. Təhlükəsizlik əməliyyatının konkret tarixlərinə varmayacağam. Deyim ki, o, İsrailin hava hücumundan müdafiə sistemlərinə, eləcə də ABŞ-ın regional səviyyədə hərbi əməliyyatları dəstəkləmək üçün daha geniş səylərinə inteqrasiya edilib".

Xatırladaq ki, HƏMAS qruplaşması avqustda iyulun 31-də səhər saatlarında Tehrandakı iqamətgahına basqın zamanı öldürülən İsmayıl Qəniyənin yerinə Yəhya Sinvarı lider elan etmişdi. Cümə axşamı İsrail Qəzzada keçirdiyi əməliyyat zamanı Sinvarın məhv edildiyini elan edib.