Gürcüstan parlamentində xaos - Dava düşdü - VİDEO

Yazar Bizimxəbər 2024-05-14 14:17:55 4499

Gürcüstan parlamentində “xarici agentlər haqqında” qanun layihəsinin yekun oxunuşu zamanı kütləvi etirazlara səbəb olan deputatlar arasında mübahisələr fiziki davaya çevrilib.

Bizimxeber.az bildirir ki, bir sıra telekanallar parlamentin zalından videonu yayıblar. Bir saata yaxındır davam edən müzakirə zamanı deputatlar arasında şiddətli mübahisə yaranıb və bu mübahisə fiziki davaya çevrilib.

Parlamentin divarları altında etiraz aksiyası toplanıb və yaxınlıqda xüsusi təyinatlılar növbətçilik edirlər. Etirazçılar parlamentin arxa girişi yaxınlığında da toplaşıblar, lakin hüquq-mühafizə orqanları onları sıxışdırıblar.

Xatırladaq ki, mayın 13-də səhər saatlarında Gürcüstan parlamentinin Hüquq Komitəsi turbo rejimdə “xarici agentlər haqqında” qanun layihəsini üçüncü baxışdan əvvəl təsdiqləyib.

Bu arada Aİ-nin 12 naziri Avropa Komissiyasından Gürcüstanın Avropaya inteqrasiyası üçün “xarici agentlər” layihəsinin qəbulunun nəticələrini   təcili şəkildə izah etməyi xahiş ediblər.