Fransada Olimpiya məşəlinin estafetini pozmaq üçün onlarla cəhd edilib.
Bizimxeber.az bildirir ki, bu barədə ölkənin Daxili İşlər naziriliyinin məlumatında qeyd olunub.
Bildirilir ki, hüquq-mühafizə orqanlarının əməkdaşları ümumilikdə estafeti pozmaq üçün 32 cəhdin qarşısını alıb.
Olimpiya məşəlinin təhvil-təslim mərasimi zamanı təhlükəsizlik tədbirləri çərçivəsində 330 mindən çox inzibati araşdırma aparılıb və nəticədə təhlükə yaradan 1200-ə yaxın şəxs müəyyən edilib.
Estafeti pozmaq üçün 32 cəhdin qarşısı alınıb və 20 pilotsuz təyyarə zərərsizləşdirilib.
Qeyd edək ki, bu günlərdə Fransa DİN-i Parisdə Yay Olimpiya Oyunlarının açılış mərasimi zamanı terror aktlarının törədilməsi ehtimalından narahat olduğunu bildirmişdi.
Fransa oyunlar zamanı təhlükəsizlik tədbirlərinə bir sıra tərəfdaş ölkələrin hərbçilərini cəlb etmək qərarına gəlib.