Fransa Durovu ABŞ Kəşfiyyat Xidmətinin şifarişi ilə saxlayıb

Yazar Bizimxəbər 2024-08-26 12:15:21 3940

"Telegram" təsisçisi Pavel Durovun saxlanması amerikalılarla razılaşdırıldıktan sonra Fransa kəşfiyyatı tərəfindən həyata keçirilib.

Bizimxeber.az bildirir ki, bu barədə Federasiya Şurasının Beynəlxalq Əlaqələr Komitəsinin sədrinin müavini Vladimir Cabarov deyib.

Senator Cabarovun sözlərinə görə, Fransa xüsusi xidmət orqanları amerikalılarla razılaşaraq burada hazırlayıb.

Onun fikrincə, Durovun saxlanmasının səbəbi onun Telegram-ın təhlükəsizliyini təmin edərək, hər hansı kod və məlumatları paylaşmamaq qərarıdır.

“O, resursunun məxfiliyini qoruyaraq Telegram-ın işləməsi ilə bağlı heç bir kod və ya məlumatı heç kimlə bölüşmək istəmir. Bu, təbii ki, qıcıq yaradır, çünki digər resurslar ABŞ kəşfiyyat xidmətlərinin nəzarəti altındadır. WhatsApp, Instagram və digər tətbiqlər ABŞ kəşfiyyat xidmətinə hesabat verir və onları məlumatlarla təmin edir. Lakin Telegram bunu etməyib,” – Cabarov qeyd edib.

Senator həmçinin Telegram-ın Rusiya kəşfiyyat xidmətlərinə məlumat verməkdən imtina etdiyini xatırladıb.

“O bir dəfə qəti şəkildə imtina etdi. Bu, onun hüququdur. Amma bizdə buna görə həbs olunmur və iş başlanmır. Qərbdə isə vəziyyət tamamilə fərqlidir. Orada ‘demokratiya’ anlayışı hakim sinif üçün əlverişli olduqda mövcuddur, başqaları üçün isə sadəcə yoxdur,” – deyə senator yekunlaşdırıb.

Daha əvvəl məlum olub ki, Fransa hüquq-mühafizə orqanları tərəfindən saxlanılan Telegram-ın təsisçisi Pavel Durovun həbs müddəti uzadılıb.