Fazil Qasımov ev dustaqlığına buraxılmadı

Yazar Bizimxəbər 2024-05-13 11:12:46 3549

Qubad İbadoğlunun cinayət işi ilə bağlı Türkiyədə tutularaq ölkəyə gətirilən azərbaycanlı alim Fazil Qasımov da ev dustaqlığına buraxılmasını istəyir.

Qətimkan tədbirinin dəyişdirilməsi üçün təqsirləndirilən şəxsin vəkili vəsatət verib.

Vəsatətə Nərimanov Rayon Məhkəməsində baxılıb. Məhkəmə müttəhimin sərbəst qalacağı halda görüləcək qanuni tədbirlərin də yetərli olmayacağını əsas götürərək vəsatəti təmin etməyib.

Qeyd edək ki, Fazil Qasımov 9 ay əvvəl həbs edilib. O, Cinayət Məcəlləsinin 204.3.1 (saxta pul və ya qiymətli kağızlar hazırlama, əldə etmə və ya satma mütəşəkkil dəstə tərəfindən törədildikdə) maddəsi ilə ittiham olunur.