“ABŞ Baydenə görə dəhşətli günlər yaşayır”
Zolağa girməyə görə cərimələr narazılıq yaratdı - Video
Harrisin Trampa qarşı hansı kozırları var? - Qələbə yaxınlaşır
Ermənistanda Rusiya sərhədçilərinin Yerevan Zvartnots hava limanından çıxarılmasını müzakirə edir.
Bizimxeber.az bildirir ki, bu barədə ölkənin hakim “Mülki Müqavilə” partiyasının açıqlamasında qeyd olunub.
“Mülki müqavilə” fraksiyasının katibi Artur Hovhannisyan deyib ki, erməni cəmiyyəti Rusiya sərhədçilərinin hava limanında olmasından narahatdır: "Müzakirələr gedir, nəticələr barədə məlumat verəcəyik".
O, müzakirələrin nə ilə və kimlərlə aparıldığını dəqiqləşdirməyib. Bu müzakirələrin Rusiya sərhədçilərinin sayının artırılması və ya onların xidmətdən imtinası ilə bağlı olub-olmaması ilə bağlı sualı cavablandıran deputat deyib ki, “ictimaiyyəti narahat edən sərhədçilərin sayının azlığı deyil, onların orada olmasıdır”.
Öz növbəsində Dövlət Dumasının deputatı Vladimir Vardanyan qeyd edib ki, sərhəd təhlükəsizliyi məsələləri ikitərəfli və çoxtərəfli öhdəliklər formatında nəzərdən keçirilməlidir. Onun sözlərinə görə, Zvartnots məsələsi, Nerkin Handa insident, Ermənistan-İran və Ermənistan-Gürcüstan sərhədlərindəki vəziyyəti qarışdırmaq olmaz.
Rusiya sərhədçilərinin Zvartnots hava limanında hansı hüquqi bazaya malik olması ilə bağlı suala Vardanyan izah edib ki, qanunvericilik bazası genişdir, lakin müəyyən məsələlərdə konkretlik olmaya bilər. Onun sözlərinə görə, aeroport hüquqi mənada sərhəd məntəqəsi hesab edilsə də, faktiki sərhəd deyil.
“Biz bunu ayrıca müzakirə etməliyik, lakin hava qovşaqlarında sərhəd təhlükəsizliyi funksiyası Ermənistanın dövlət qurumlarının nümayəndələri tərəfindən həyata keçirilməlidir”, - Vardanyan əlavə edib.
