“ABŞ Baydenə görə dəhşətli günlər yaşayır”

ABŞ-nin keçmiş Prezidenti Donald Tramp hesab edir ki, ölkə hazırkı lider Co Baydenin indiki administrasiyasının siyasəti ucbatından dəhşətli günlər və tənəzzül yaşayır.

Bizimxeber.az bildirir ki, Tramp bu haqda Floridada tərəfdarlarına bildirib.

“Biz tənəzzüldə olan bir millətik. Biz öz inamını, iradəsini və gücünü itirmiş, yolumuzu azmış bir millətik. Amma bu dəhşətin davam etməsinə imkan verməyəcəyik”, - o qeyd edib.

O, həmçinin Bayden və vitse-prezident Kamala Harrisi ABŞ tarixinin ən pis və səriştəsiz administrasiyası adlandırıb.