Daily Mail: Tramp şahzadə Harrini ABŞ-dan qova bilər

Yazar Bizimxəbər 2024-11-11 13:39:38 9570

ABŞ-da keçirilən prezident seçkilərində qalib gələn Donald Tramp inauqurasiyadan sonra şahzadə Harrini ölkədən qova bilər.

Bizimxeber.az bildirib ki, bu barədə "Daily Mail" yazıb. 

Qəzetin yazdığına görə, ABŞ-ın hazırkı prezidenti Co Baydenin administrasiyası Şahzadə Harrinin immiqrasiya sənədlərini artıq qoruya bilməyəcək.

2023-cü ildə şahzadə xatirələrində müxtəlif dərmanlardan istirahət məqsədilə istifadə etdiyini etiraf edib. Bu məlumat onun immiqrasiya sənədlərində öz əksini tapmalıdır. Lakin əcnəbilərin ölkəyə girişinə nəzarət edən orqanlar məlumatı açıqlamaqdan imtina ediblər. 

“Əgər Tramp administrasiyası Şahzadə Harrinin səs yazılarını yayımlasa, bu, Amerika xalqının maraqlarına uyğun olardı. "Harri cavabdeh olmalıdır", - nəşr İrs Fondunun Marqaret Tetçer Azadlıq Mərkəzinin direktoru Neil Qardinerdən sitat gətirir. 

Daha əvvəl bildirilmişdi ki, Şahzadə Harri Associated Newspapers naşirinə qarşı böhtan işində təxminən 1 milyon dollar vəkillik xərcləri ödəməyə məcburdur .