Belarus ordusu Ukrayna sərhədində hazırlığa başladı

Yazar Bizimxəbər 2024-06-21 14:54:53 4849

İyunun 21-də səhər saatlarında Belarus ordusunun döyüş hazırlığının qəfil yoxlanılması elan edilib. 

Bu barədə Belarus Müdafiə Nazirliyi məlumat yayıb.

Bildirilib ki, tədbirdə Brest və Qomel vilayətlərində - Ukrayna ilə həmsərhəd ərazilərdə keçirilir.

“Yoxlamaya operativ komandanlıqların hərbi hissələri və bölmələri, xüsusi təyinatlı qoşunlar, raket və artilleriya, hava qüvvələri və hava hücumundan müdafiə qoşunları cəlb olunub. Bu müddət ərzində ümumi istifadədə olan yollarda hərbi texnikanın hərəkəti mümkündür”, - deyə hərbi idarədən bildirilib.

Hərbi hissələrdə əvvəlki qəfil yoxlama mayın 7-də Belarusda həyata keçirilib.