Bayden Navalnının ölümündə Putini günahlandırdı

Yazar Bizimxəbər 2024-02-17 00:19:59 4449

ABŞ prezidenti Co Bayden rusiyalı müxalifət lideri Aleksey Navalnının ölüm xəbərindən istifadə edərək Konqresə Ukraynaya dəstəyi təsdiq etməsi üçün təzyiq göstərib. 

Bizimxeber.az bildirir ki, Bayden bunu Navalnının ölümü ilə bağlı xəbərlərə həsr olunmuş xüsusi müraciəti zamanı deyib. “Navalnının ölümünə görə məsuliyyət Putinin üzərinə düşür”, - ABŞ prezidenti deyib.

Bayden deyib ki, Putin indi Ukraynada olduğu kimi təkcə başqa ölkələrin vətəndaşlarına hücum etmir, həm də öz xalqına qarşı dəhşətli işlər görür. Bayden Navalny-ni qanunun aliliyinin hökm sürdüyü Rusiyanı inkişaf etdirməyə həsr olunmuş “cəsur və prinsipial” insan adlandırıb. ABŞ prezidenti həmçinin bildirib ki, Navalnının ölüm xəbəri Rusiyaya qarşı müharibədə Ukraynaya dəstək üçün maliyyələşməni təşviq etməlidir.