Avstriya Rusiyadan qaz nəqlini dayandırdı - "Anbarlarımız doludur"

Yazar Bizimxəbər 2024-11-16 00:59:45 1710

"Ölkə çoxdan Rusiya qazının tədarükünü dayandırmağa hazırlaşır və Avstriyanın qaz anbarları doludur".

Bizimxeber.az bildirir ki, bu barədə Avstriyanın energetika naziri Leonore Gewessler bildirib.

O, həmçinin Moskvanı enerjidən “silah kimi” istifadə etməkdə ittiham edib. “Məişət qaz anbarları doludur. İndi Avstriyanın illik istehlakından çoxu orada saxlanılır”, - nazir X -də yazıb.

Gewessler bildirib ki, “Rusiya Avstriyanın tərəfdaşı deyil”.

Noyabrın 15-də Avstriyanın OMV şirkəti Qazprom Export-dan qaz tədarükünü dayandırmaq barədə bildiriş alıb. 16 noyabr 2024-cü il Mərkəzi Avropa vaxtı ilə saat 06:00-dan (Moskva vaxtı ilə 08:00) qaz təchizatı dayandırılacaq.