Avropa Komissiyasının yeni tərkibi niyə formalaşmır? - Leyenin planı

Yazar Bizimxəbər 2024-09-04 11:16:52 4681

Avropa Komissiyasının yeni tərkibinin işə başlama tarixi gözləniləndən gecikə bilər.

Bizimxeber.az bildirir ki, "Politico" nəşri, Avropa Parlamentinin iki yüksək rütbəli məmurundan öyrəndiyi məlumata görə, Komissiyanın üzvlərinin dinləmələrinin oktyabrın ortalarına qədər başlaması ehtimalı azdır. Bu, yekun təsdiq səsverməsinin noyabr ayına qədər keçirilə bilməyəcəyini və yeni Komissiyanın fəaliyyətə başlamasının dekabr ayına qədər uzana biləcəyini göstərir.

Avropa Komissiyasının sədri Ursula fon der Leyenin sentyabrın 11-də parlament rəhbərliyi ilə görüşdə iştirak etməsi gözlənilir. Ancaq komissarların yekun siyahısının həmin vaxt təqdim edilib-edilməyəcəyi hələ məlum deyil. Dinləmələrin keçirilməsi üçün parlamentin bu siyahını alması zəruridir.

Fon der Leyenin baş sözçüsü Erik Mamer, Komissiyanın daha gender balanslı tərkibini təmin etməyə çalışdığı üçün gecikdiyini iddialarını qəti şəkildə təkzib edib. O, bu məsələnin Avropa Parlamentinin qərarı olduğunu bildirib.

Politico-nun əvvəlki xəbərlərinə görə, Ursula fon der Leyen kişilərin üstünlük təşkil etdiyi komandanın təmsil edilməsindən qaçmaq üçün Aİ ölkələrinə qadınları namizəd göstərmələri üçün təzyiq edir. Xüsusilə, Malta və Sloveniyaya bu mövzuda təzyiqlər göstərildiyi bildirilir. Sloveniya hökuməti artıq Tomaž Vesel'in yeganə namizəd olaraq qalacağını təsdiqləyib, Rumıniya isə kişi namizədini qadınla əvəz edib.