Avro-2024 və Olimpiadaya hücuma çağıran İŞİD şəbəkəsi məhv edildi

Yazar Bizimxəbər 2024-06-17 17:40:51 4056

İspaniyada “İslam Dövləti” terror qruplaşması ilə əlaqəsi olan çoxdilli multimedia mərkəzi olan Iam Foundation ləğv edilib.

Bizimxeber.az bildirir ki, bu barədə “El Confidencial ” məlumat yayıb. Əməliyyat İspaniya hüquq-mühafizə orqanlarının əməkdaşları tərəfindən Europol və Amerika Federal Təhqiqat Bürosu ilə birgə həyata keçirilib.

Ölkənin müxtəlif şəhərlərində, o cümlədən Kadizdə də çoxsaylı həbslər edilib. Xüsusən də axtarışlar zamanı Madriddəki Santyaqo Bernabeu stadionuna hücuma çağırış edən plakatlar tapılıb:

Hazırda Almaniyada keçirilən futbol üzrə Avropa çempionatına və Parisdə Olimpiya Oyunlarına ev sahibliyi edən obyektlərə hücumlardan da bəhs edilir. Əməliyyat zamanı 9 nəfər həbs edilib. Onlardan ikisi barəsində həbs-qətimkan tədbiri seçilib.