AŞPA sədri Rusiyanın Odessaya son hücumunu pisləyib

Yazar Bizimxəbər 2024-03-02 16:32:54 3046

Avropa Şurası Parlament Assambleyasının prezidenti Teodoros Russopulos Rusiyanın Odessaya son hücumu ilə bağlı Moskvanın məsuliyyət daşıyacağını bildirib. 

Bizimxeber.az bildirir ki, bu barədə “Avropa həqiqəti” məlumat yayıb.

"Dünən gecə Odessada insan tələfatı və dağıntılara səbəb olan pilotsuz təyyarə hücumunu qətiyyətlə pisləyirəm. Rusiya Ukraynada törətdiyi bütün cinayətlərə görə cavab verəcək", - AŞPA prezidenti Twitter-də (X) bildirib.

Xarici işlər naziri Dmitri Kuleba Rusiyanın Xarkov, Odessa və Sumi bölgəsini növbəti dəfə atəşə tutmasından sonra Qərbi “lazım olduğu qədər” formulunu “tez və lazım olan qədər” ifadəsi ilə əvəz etməyə çağırıb.

Ruslar Odessanı “Şaheds”lə vurdular, əvvəlcə iki nəfərin öldüyünü bildirdilər, daha sonra dağıntılar altından üç yaşlı uşağın cəsədi çıxarılıb.