ABŞ Navalnının ölümü ilə bağlı Rusiyaya 500-dən çox sanksiya elan etdi

Yazar Bizimxəbər 2024-02-23 15:41:34 4956

ABŞ prezidenti Co Bayden ABŞ-ın Ukraynaya genişmiqyaslı işğalının ikinci ildönümü ərəfəsində və Aleksey Navalnının ölümündən sonra Rusiyaya qarşı 500-dən çox sanksiya və 100-ə yaxın təşkilata qarşı yeni ixrac məhdudiyyətləri tətbiq etdiyini açıqlayıb.

Bizimxeber.az bildirir ki, bu barədə Ağ Evin bəyanatında deyilir.

"Bu gün mən Rusiyaya qarşı Ukraynaya qarşı işğalçı müharibəyə və cəsarətli antikorrupsiya fəalı və Putinin ən şiddətli müxalifət lideri Aleksey Navalnının ölümünə görə Rusiyaya qarşı 500-dən çox yeni sanksiyalar elan edirəm" deyə Bayden açıqlayıb.

Onun sözlərinə görə, bu sanksiyalar Navalnının həbsi ilə əlaqəli şəxsləri, eləcə də Rusiyanın maliyyə sektorunu, müdafiə sənayesi bazasını, satınalma şəbəkələrini və bir çox qitələrdə sanksiyalardan yayınanları hədəf alacaq. "Onlar (sanksiyalar) Putinin xaricdəki aqressiyasına və daxildə repressiyalarına görə daha böyük bədəl ödəməsini təmin edəcəklər", - Bayden deyib.

ABŞ prezidenti deyib ki, ABŞ həmçinin Rusiyanın döyüş maşınına gizli dəstək verən 100-ə yaxın təşkilata qarşı yeni ixrac məhdudiyyətləri tətbiq edir. "Biz Rusiyanın enerji gəlirlərini daha da azaltmaq üçün tədbirlər görürük. Və mən öz komandama vətəndaş cəmiyyətinə, müstəqil mediaya və bütün dünyada demokratiya uğrunda mübarizə aparanlara dəstəyi artırmağı tapşırmışam", - Amerika prezidenti bildirib.

Yada salaq ki, fevralın 22-də Böyük Britaniya, Rusiyanın tammiqyaslı işğalının ikinci ildönümü ərəfəsində, Ukraynaya qarşı təcavüzünə görə Rusiya Federasiyasına qarşı yeni sanksiyalar elan etdi.

Fevralın 23-də Aİ Şurası Rusiyaya və Ukraynaya qarşı müharibənin davam etdirilməsinə görə məsuliyyət daşıyanlara, habelə Rusiyanın hərbi səylərini əhəmiyyətli dərəcədə dəstəkləyənlərə qarşı məhdudlaşdırıcı tədbirlər paketinin on üçüncü paketini qəbul edib.