İsveçrə Rusiyanın 13 milyard avroluq aktivini dondurdu

Yazar Bizimxəbər 2024-04-24 10:29:43 3406

İsveçrə ölkədə yerləşən 13,3 milyard avro dəyərində Rusiyanın aktivlərini, o cümlədən 7 milyard frankdan çox ehtiyatları və Rusiya Mərkəzi Bankının aktivlərini dondurub.

Bizimxeber.az bildirir ki, bu barədə Bloomberg məlumat yayıb. 

İsveçrənin İqtisadi Məsələlər üzrə Dövlət Katibliyi (SECO) 2023-cü ildə agentliyin öz araşdırmalarından və bankların ətraflı izahatlarından sonra daha 580 milyon frank dəyərində maliyyə aktivlərini, eləcə də iki daşınmaz əmlakı dondurduğunu açıqlayıb.

Ümumilikdə İsveçrə hakimiyyəti 17 mülkü, həmçinin dəbdəbəli avtomobilləri, sənət əsərlərini və mebelləri dondurub. 

2023-cü ilin sonuna dondurulmuş özəl aktivlərin ümumi dəyəri 5,8 milyard frank olub, SECO bildirib. Bu, 2022-ci ildən azdır və qiymətləndirmə itkilərini əks etdirir. Mərkəzi bankın dondurulmuş aktivləri 7,24 milyard frank təşkil edir.