“Yaxında cəbhə bölgəsində tədrisin bərpasına çalışırıq” - Təhsil naziri

12:49 - 18 Noyabr
    1280 oxunma

“Kəlbəcər rayonu ərazisində qanunsuz yerləşdirilən ermənilərin oranı tərk edərkən məktəbləri yandırmaları birmənalı olaraq qınanmalıdır”. Bunu təhsil naziri Emin Əmrullayev ATV kanalında yayımlanan “ATV Aktual” verilişində bildirib. 

O qeyd edib ki, işğala məruz qalan ərazilərimizdə məktəblər əvvəldən var idi. Lakin hazırda bu infrastruktur istər Füzuli, istər Cəbrayıl, istərsə də Zəngilan və Qubadlı rayonlarında tamamilə yerlə-yeksan edilib: “Ölkə başçısı da bildirmişdi ki, bu ərazilərdə daha yaxşı, ən müasir məktəbər tikiləcək. Amma həmin məktəblərin məktəb direktoru tərəfindən yandırılması şiddətlə qınanılır. Bu, vandalizmdir. Bu hallar tərəfimizdən sənədləşdirilir və beynəlxalq təşkilatlara çatdırılır. İnanırıq ki bu tip hadisələr davamlı olaraq gündəmdə saxlanılacaq”. 

E. Əmrullayev əlavə edib ki, işğaldan azad olunan torpaqlara qayıdış, insfrastrukturun bərpası, tək Təhsil Nazirliyinin deyil, digər qurumların da birlikdə fəaliyyəti nəticəsində həyata keçiriləcək. Həmin ərazilərdə yüzlərlə məktəb, peşə məktəbi addım-addım bərpa olunacaq. 

Cəbhə bölgəsində yerləşən məktəblərin normal fəaliyyətinə dönməsinə gəlincə isə, təhsil naziri bildirib ki, burada bir neçə istiqamət müəyyənləşdirilib: “Müharibə həmişə insanların, xüsusən uşaqların psixologiyasına mənfi təsir edir. Həmin bölgələrdə yaşayanlara ilk öncə psixoloji yardımın göstərilməsi həyata keçirilir. Qırmızı Xaç, UNİCEF -lə bu istiqamətdə işlər aparılır. Həmçinin ərazinin minalardan təmizlənməsi işləri həyata keçirilir. Çalışırıq ki, yaxın gələcəkdə orada tədris bərpa olunsun”.

Bizimxeber.az

Daha tez məlumatlanmaq üçün yeni Facebook səhifəmizi
Loading...



Haqqımızda

“BizimXƏBƏR” Media Mərkəzi MMC
Baş redaktor Ədil Hüseynli
Şef redaktor Şaiq Mustafayev

Bizimxeber_az@mail.ru;adil-1980@mail.ru
Mobil və Whatsapp  -  (077) 611-44-00; (050) 514-27-84