Təhsil Nazirliyinin “sevimli” şirkəti: 10 manatlıq "Sosial İnkişaf Layihə” MMC kimindir?

12:29 - 08 Sentyabr
    2245 oxunma

Azərbaycan Respublikası Təhsil Nazirliyinin Təsərrüfat Hesablı Əsaslı Tikinti və Təchizat İdarəsinin bu il iyun və avqust aylarında nəticəsini elan etdiyi 27 açıq tenderdən 10-nun qalibi "Sosial İnkişaf Layihə” MMC olub. Bizimxeber.az bildirir ki, Report-un apardığı araşdırma nəticəsində məlum olub.

Bununla da nazirliyin cəmi 10 manat nizamnamə kapitalına malik "sevimli” şirkətinə 1 407 460 manatlıq sifariş verilib. Tender qaliblərinin siyahısında 2-ci yeri Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyinin Kommunal Layihələndirmə İnstitutut ("Azkommunallayihə”) tutub. Bu quruma ümumi dəyəri 547 870 manat olan 5 tender verilib.

Hesabat dövründə Dövlət Baş Layihə İnstitutu ("Azərdövlətlayihə”) isə 4 tender ala bilib. Onların ümimi dəyəri 412 690 manatdır.

Digər 8 tenderin qalibləri isə "Qala Express” (1 tender), "ALR İnvest” (1 tender), "Bimd” (2 tender), "Ay Konsaltinq LTD” (1 tender), "HH Architects” (2 tender) və "Feniks-AA” (1 tender) MMC-lər olub. Bu şirkətlərin satınalmalarının ümumi dəyəri 1 113 897 manat təşkil edib.

Bizimxeber.az

Daha tez məlumatlanmaq üçün yeni Facebook səhifəmizi





Haqqımızda

“BizimXƏBƏR” Media Mərkəzi MMC
Baş redaktor Ədil Hüseynli
Şef redaktor Şaiq Mustafayev

Bizimxeber_az@mail.ru;adil-1980@mail.ru
Mobil və Whatsapp  -  (077) 611-44-00; (050) 514-27-84