“Şuşa polis şöbəsi hələ köçürülməyib” - DİN

14:17 - 12 Noyabr
    1780 oxunma

Daxili İşlər Nazirliyi Şuşa rayon polis şöbəsinin işğaldan azad edilən Şuşa şəhərinə köçürülməsi barədə yayılan məlumatlara aydınlıq gətirib. DIN-in Mətbuat Xidmətindən bildirilib ki, Prezident İlham Əliyevin “Azərbaycan Respublikasının işğaldan azad olunmuş ərazilərində müvəqqəti xüsusi idarəetmənin təşkili haqqında fərmanı”na uyğun olaraq müvafiq tədbirlər görülür.

Daxili İşlər naziri, general-polkovnik Vilayət Eyvazovun əmri ilə işğaldan azad edilən rayonların polis şöbə rəisləri həmin rayonlar üzrə müvəqqəti komendant təyin ediliblər. Müvəqqəti komendantlar hər rayon üzrə xüsusi idarəetməni həyata keçirəcəklər. Artıq müvafiq polis şöbələrinin işğaldan azad edilmiş ərazilərə köçürülməsi prosesinə başlanılıb.

Lakin Şuşa rayon polis şöbəsi hazırda Tərtər rayonunda fəaliyyətini davam etdirir və Şuşa şəhərinə köçürülməyib. Fərmana uyğun olaraq polis şöbələri işğaldan azad edilən rayonlara köçürüləcək.

Bizimxeber.az

Daha tez məlumatlanmaq üçün yeni Facebook səhifəmizi
Loading...



Haqqımızda

“BizimXƏBƏR” Media Mərkəzi MMC
Baş redaktor Ədil Hüseynli
Şef redaktor Şaiq Mustafayev

Bizimxeber_az@mail.ru;adil-1980@mail.ru
Mobil və Whatsapp  -  (077) 611-44-00; (050) 514-27-84