Slovakiyada hökumət istefa verdi

Slovakiyanın baş naziri İqor Matoviç, hökumətin bütün tərkibi ilə birlikdə istefa etdi. 

Bizimxeber.az "RİA Novosti"yə istinadən bildirir ki, Slovakiya prezidenti Zuzana Tsaputova artıq maliyyə naziri Eduard Hegerə yeni bir hökumət qurmağı tapşırıb.

İstefanın səbəbi, ölkənin koalisiya partiyalarının üç liderinin Matoviçdən baş nazir vəzifəsini partiyadaşları Hegerə verməsini tələb etməsi ilə bağlı yaranmış hökumət böhranı idi. Keçmiş baş nazir bu tələblərlə razılaşaraq Slovakiya Maliyyə Nazirliyinə rəhbərlik etməyə hazır olduğunu bildirib.

Daha sonra digər partiyaların liderləri mövcud vəziyyətdən çıxış yolu üçün bu seçimlə razılaşdılar və istefa edən nazirlər yerlərinə qayıtmağa hazır olduqlarını bildiriblər. "Heger tamamilə fərqli bir insandır. Sakit, balanslı, komanda işinə meylli bir kadrdır. Buna görə də kabinetin başındakı dəyişiklik yaxşı nəticələr verməlidir" deyə Slovakiyanın keçmiş baş naziri Jan Şarnogurski bildirib.

Bizimxeber.az