Şəhid adından dələduzluq edən şəxs axtarılır – VİDEO

22:35 - 08 Yanvar
    1280 oxunma

İmişli rayon Bəhrəmtəpə qəsəbə sakini Orxan Şirinov vətən müharibəsi zamanı könüllü olaraq döyüşlərə yollanıb, şəhidlik zirvəsinə yüksələn igidlərimizdən biridir.

Bu gün Orxanın yasını tutan ailənin başı şəhidimizin adına yaraşmayan, bu addan sui-istifadə edən hansısa dələduzun törətdiyi əməllərə qarışıb. Məlum olub ki, şəhidin adından istifadə edib mobil nömrə sənədləşdiriblər və həmin nömrələrdən qanunsuz məqsədlər üçün istifadə ediblər. 

Şəhidin atası Elxan Şirinov deyir ki, kimsə oğlunun adına mobil nömrə rəsmiləşdirib. Həmin nömrə ilə ayrı-ayrı şəxslərə zəng olunaraq onlardan müxtəlif bəhanələrlə pullar yığılır. Elxan Şirinov qeyd edir ki, bu adam kimdirsə, bizim haqqımızda bütün məlumatları bilir. Bundan əlavə, özünün müxtəlif rayonlardan olduğunu deyərək iz itirməyə çalışır.

Məsələ ilə bağlı həm rayon polis şöbəsinə, həm də daxili işlər nazirliyinin ”102” çağrı mərkəzinə müraciət olunub. Nazirliyin Baş Cinayət Axtarışı İdarəsindən Elxan Şirinova cavab olaraq bildirilib ki, onların müraciəti araşdırılaraq öz həllini tapıb. Ailə isə dələduzlar barədə onlara daha ətraflı məlumat verilməsini istəyir.

 

Bizimxeber.az



Daha tez məlumatlanmaq üçün yeni Facebook səhifəmizi



Haqqımızda

“BizimXƏBƏR” Media Mərkəzi MMC
Baş redaktor Ədil Hüseynli
Şef redaktor Şaiq Mustafayev

Bizimxeber_az@mail.ru;adil-1980@mail.ru
Mobil və Whatsapp  -  (077) 611-44-00; (050) 514-27-84