Qızılı və pulu oğurlanan qadın polisə şikayət etdi - Özü də tutuldu 

İmişlidə maraqlı oğurluq hadisəsi baş verib. 

Hadisədən sonra həm zərərçəkən xanım, həm də onun çantasını oğurlayan şəxslər saxlanılıb.

Polis bir əməliyyatla iki cinayətin üstünü açıb. Bu dəfə qadın hiyləgərliyi baş tutmayıb.

Zərərçəkən polisə içərisində pul və qızıl olan çantasının oğurlanması barədə etdiyi şikayətlə özünü işə salıb. Çünki oğurlanan çantada pul və qızıl deyil, heroin olub.

Bundan sonra zərərçəkən xanım təqsirləndirən şəxs olub.