Qarabağda gözlərini itirmiş qəhrəman qazimizə hörmətsizlik – Şikayət - FOTO

21:14 - 06 Yanvar
    1310 oxunma

44 günlük müharibədə gözlərini itirmiş gizir qazi, Kürdəmir rayonu Qarasaqqal kənd sakini Nuriyev Rəhman Təvəkkül oğlunun yaxınları Müdafiə Nazirliyinin Respublika Hərbi Hospitalının hərbi tibbi komissiyasının "fəaliyyətindən” şikayətçi olduqlarını bildiriblər.

Bizimxeber.az xəbər verir ki, bu haqda sosial şəbəkədə yazan qazinin yaxınları, müharibədə qəhrəmanlıq göstərərək iki gözünü itirən qaziyə olunan hörmətsilikdən narazı olduqlarını deyiblər.

Yaxınlarının dediklərinə görə, iki dəfə Ağdam istiqamətində yaralansa da, Bərdə hospitalında qəlpələr çıxarılan kimi həkimlərin təkidinə baxmayaraq, "mən döyüş yoldaşlarımı orda qoyub hospitalda yata bilmərəm”, - deyib döyüşlərə davam edən əsgər Nuriyev Rəhman 17-18 oktyabr tarixlərində Suqovuşan istiqamətində gedən döyüşlərdə qəhrəmanlıqla vuruşub, ağır yaralanaraq hər iki gözlərini itirib. Koma vəziyyətində Tibb Universitetinin Tədris Cərrahiyyə Klinikasına yerləşdirilən Nuriev Rəhman iki aydan artıq orda müalicə alıb.

Bu gün onların çağırışı əsasında Respublika Hərbi Hospitalına göndərilən qazi, oradan da heç bir sənədsiz, müşaiyyətsiz və köməksiz vəziyyətdə doğulduğu Kürdəmir rayonu Qarasaqqal kəndinə təsadüfi yol maşını ilə yola salınıb.

Şikayətçi bildirib ki, hətta qazinin Bakıda olan yaxınlarına da bu haqda heç bir məlumat verilməyib ki, onlar Rəhmanı özləri evə aparsınlar.

Bizimxeber.az

Daha tez məlumatlanmaq üçün yeni Facebook səhifəmizi






Haqqımızda

“BizimXƏBƏR” Media Mərkəzi MMC
Baş redaktor Ədil Hüseynli
Şef redaktor Şaiq Mustafayev

Bizimxeber_az@mail.ru;adil-1980@mail.ru
Mobil və Whatsapp  -  (077) 611-44-00; (050) 514-27-84