Putin mitinqlə bağlı qaydaları sərtləşdirdi

14:55 - 30 Dekabr
    1190 oxunma

Rusiya Prezidenti Vladimir Putin yeni qanun imzalayaraq mitinqlərin keçirilmə qaydalarını sərtləşdirib. Sözügedən sənəd hüquqi məlumatların rəsmi portalında dərc edilib. Yeni qanun fövqəladə hallar xidmətinin binaları yaxınlığında mitinq və piketlərin keçirilməsini qadağan edir, fövqəladə hallar və ya terrorizm təhlükəsi səbəbindən ictimai aksiyaları təxirə salma imkanı verir.

Sənəd eyni zamanda kütləvi tədbirlərdə medianın iş qaydalarını sərtləşdirir. Belə ki, jurnalistlərə ictimai tədbirin təşkilatçıları və iştirakçıları tərəfindən həyata keçirilməli olan bir sıra hərəkətlərə yol vermək və onun keçirilməsində birbaşa iştirak etmək qadağan edilir.

Mitinq zamanı mətbuat işçisi təmsil etdiyi redaksiyanın nişanını daşımalıdır. Nişanın təsvirinin “Roskomnadzor” tərəfindən Daxili İşlər Nazirliyi, “Rosqvardiya, FSO və jurnalist cəmiyyəti ilə razılaşdırılaraq hazırlanacağı bildirilib. Həmçinin qanuna görə, məhkəmə bir fikir ətrafında keçirilən bir neçə təknəfərlik piketi mitinq kimi nəzərə ala bilər.

Bizimxeber.az



Daha tez məlumatlanmaq üçün yeni Facebook səhifəmizi



Haqqımızda

“BizimXƏBƏR” Media Mərkəzi MMC
Baş redaktor Ədil Hüseynli
Şef redaktor Şaiq Mustafayev

Bizimxeber_az@mail.ru;adil-1980@mail.ru
Mobil və Whatsapp  -  (077) 611-44-00; (050) 514-27-84