Palma adları və Heydərovun  "Auto UEI Azerbaijan"-ı - Sənədlər

21:21 - 06 Fevral
    15080 oxunma

SİZİN REKLAM YERİNİZ - ok
SİZİN REKLAM YERİNİZ

Ötən ay Dövlət Vergi Xidməti Fövqəladə hallar naziri Kəmaləddin Heydərova məxsus "Auto UEI Azerbaijan" şirkətinin fəaliyyətini dayandırdığı barədə məlumat yaymışdı. Sözügedən şirkət 2013-cü ildə qeydiyyatdan keçsə də, 2015-ci ildə UEI AUTOMOTİVE HOLDINGS LIMITED adı ilə Dubaya transfer edilib. Başqa sözlə Azərbaycanda ləğv edilən sadəcə şirkətin quru adıdır. 

Bu barədə tanınmış jurnalist Cavanşir Həsənli sosial şəbəkədə məlumat verib. Bizimxeber.az jurnalistin yazdıqlarına istinadən bildirir ki, "United Enterprises International Ltd" 2009-cu ildə Kəmaləddin Heydərovun oğlu Tale Heydərovun təsisçiliyi ilə qeydiyyatdan keçib.

Dubai BOX 58075 ünvanında qeydiyyatda olan UEI AUTOMOTİVE HOLDINGS LIMITED offşor şirkəti Fövqəladə hallar nazirinə məxsus "United Enterprises International Ltd" tərəfindən təsis edilib və onun adından çıxış etmək hüququ Britaniya vətəndaşı Robert John Baker həvalə edilib. Bu şirkət üzərindən Birləşmiş Ərəb Əmirliklərində, JAFZA offşor zonasında nizamnamə kapitalı 1000 dinar olmaqla UNİTED ENTERPRİSES MİDDLE EAST LİMİTED təsis edilib.

Şirkətin idarəçiliyini Dubaydakı AL SUWAİDİ & COMPANY həyata keçirir. Sənədlərə görə səhmlərin 990-ı UNİTED ENTERPRİSES MİDDLE EAST LİMİT-ə, 10-u isə AL SUWAİDİ & COMPANY hüquq və menecment şirkətinin təmsilçisi qismində Hindistan əsilli SUNEER KUMAR-a məxsusdur.

Heydərovları CƏBƏL ƏLİ offşor zonasına cəlb edən isə Cəbəl Əli Palmasıdır. Söhbət süni yaradılmış Palma Adalarından gedir. Fövqəladə hallar nazirinin burada daşınmaz əmlakının olduğu barədə məlumatlar var.

Mütəşəkkil Cinayətkarlıq və Korrupsiya Hesabatı Layihəsi (OCCRP) tərəfindən əldə edilən Dubaydakı mülklərin 2014-2016-cı illərdəki məlumat bazasında göstərilir ki, fövqəladə hallar nazirinin övladları Nicat və Tale Heydərovlar da Dubay Palm Cumeyra adasında 33 milyon dollar dəyərində 9 dəbdəbəli mülkə sahibdirlər. 
Sizcə 300 hektarlıq Şuşa Heydərovlar üçün neçə villa demək idi?

Bizimxeber.az

Daha tez məlumatlanmaq üçün yeni Facebook səhifəmizi



Haqqımızda

“BizimXƏBƏR” Media Mərkəzi MMC
Baş redaktor Ədil Hüseynli
Şef redaktor Şaiq Mustafayev

Bizimxeber_az@mail.ru;adil-1980@mail.ru
Mobil və Whatsapp  -  (077) 611-44-00; (050) 514-27-84