.
.

Neftçalada şəhid muzeyinin açılışı oldu

12:10 - 02 Mart
    6520 oxunma


Dünən Neftçala rayon Kürqarabucaq kəndində şəhid Ağasadığ Aslanovun ev muzeyinin açılışı olub. 

Gizirin doğum gününə, 30 yaşının tamamına təsadüf edən açılışda millət vəkili Sabir Rüstəmxanlı, rayon rəhbərliyi, şəhidin hərbçi yoldaşları və ictimaiyyət nümayəndələri iştirak edib.  Şəhidin atası Xəlil Aslanovun öz həyətində tikib ərsəyə gətirdiyi muzeydə Ağasadıq Aslanov və Kürqarabucaq kəndinin digər şəhidlərinə aid fotolar, məlumatlar yerləşdirilib.

Açılışda rayon icra başçısı Mirhəsən Seyidov, millət vəkili Sabir Rüstəmxanlı və digər qonaqlar çıxış edərək şəhid və bütün Qarabağ şəhidləri haqda danışıb, onların xatirəsinin hər zaman uca tutulacağını bildiriblər.

Çıxış edənlər şəhid Aslanov Ağasadıxın, eləcə də Neftçaladan vətən müharibəsi iştirakçılarının düşmənə qarşı göstərdikləri igidlik və qəhrəmanlıqlarından söhbət açıblar.  Şəhidin atası iştirakçılara öz minnətdarlığını bildirib. Daha sonra şəhidin məzarı ziyarət edilib.

Qeyd edək ki, Aslanov Ağasadıq Xəlil oğlu Vətən müharibəsində igidliklərinə görə “Azərbaycan Bayrağı” ordeninə və “Vətən uğrunda” , “Xocavəndin azad olunmasına görə” , “Şuşanın azad olunmasına görə” medallarına layiq görülüb. 

Bizimxeber.az

DAHA TEZ MƏLUMATLANMAQ ÜÇÜN FACEBOOK SƏHİFƏMİZİ



Haqqımızda

“BizimXƏBƏR” Media Mərkəzi MMC
Baş redaktor Ədil Hüseynli
Şef redaktor Şaiq Mustafayev

Bizimxeber_az@mail.ru;adil-1980@mail.ru
Mobil və Whatsapp  -  (077) 611-44-00; (050) 514-27-84