“Münaqişənin dayanmasını istəyirsizsə, ermənilərə silah verməyin!”

13:01 - 26 Oktyabr
    2130 oxunma

“Azərbaycan Ordusu döyüş meydanında tarixi ədaləti bərpa edir”.  Bizimxeber.az xəbər verir ki, bunu Prezident İlham Əliyev Azərbaycan xalqına müraciətində deyib. “Şuşada, Cıdır düzündə sərxoş vəziyyətdə rəqs edən təlxəyə deyin ərazilərimizdən çıxsın və qurtaraq! 

Bu gün səhər saat 8-də yeni humanitar atəşkəs razılaşması qüvvəyə minib. Amma mən səhər 9-da maraqlandım, Ermənistan bir neçə dəqiqə sonra Tərtər şəhərini atəşə tutub. Mən tapşırıq vermişəm ki, Azərbaycan Ordusu hələ ki, təmkinli davransın, təxribatlara uymasın. Biz bəyan etmişik ki, münaqişənin sülh yolu ilə həlli üçün Ermənistan tərəfi bizə əraziləri qaytarmaqla bağlı cədvəl verməlidir. 

Ermənistan bizim qarşımızda diz çöküb, amma yenə də qüvvələrini səfərbər edib bizə qarşı yeni işğalçılıq siyasəti həyata keçirmək istəyir. Son bir ayda Ermənistana göndərilən silah-sursatın siyahısı bizdədir. Nə vaxt, hardan, nə qədər hansı təyyarə ilə silah gətirildiyi məlumdur. Atəşkəs istəyən silah verər? Münaqişənin dayanmasını istəyirsizsə, silah verməyin. Verməyin, dayansın. Ermənistanı xilas etmək istəyirsizsə, deyin ki, çıxsın bizim torpağımızdan, rədd olsun, - deyə dövlət başçısı bildirib.

Prezident bildirib ki, biz yolumuza davam edəcəyik:

"Atəşkəs istəyirlərsə, işğalçı dövləti rədd etsinlər torpaqlarımızdan. Əks halda axıra qədər davam edəcəyik. Düşməni axıra qədər qovacağıq".

Daha tez məlumatlanmaq üçün yeni Facebook səhifəmizi
Loading...



Haqqımızda

“BizimXƏBƏR” Media Mərkəzi MMC
Baş redaktor Ədil Hüseynli
Şef redaktor Şaiq Mustafayev

Bizimxeber_az@mail.ru;adil-1980@mail.ru
Mobil və Whatsapp  -  (077) 611-44-00; (050) 514-27-84