Minskdə etirazçılarla güc strukturları arasında toqquşma - Video + Yenilənib

01:33 - 31 Avqust
    9935 oxunma

Belarusun paytaxtı Minskin Müstəqillik prospektində icazəsiz mitinq iştirakçıları ilə güc strukturları əməkdaşları arasında toqquşma olub. “Qafqazinfo” bildirir ki, bu barədə “RİA Novosti” xəbər verib.

İnsident Dövlət Təhlükəsizliyi Komitəsinin binası yaxınlığında baş verib. Bir neçə nəfər saxlanılıb.  Həmçinin, məlumdur ki, OMON Müstəqillik prospektində etirazçılar dəstəsini mühasirəyə alıb.

Paytaxtda dörd mərkəzi metro stansiyasının giriş-çıxışı bağlanıb: “Ploşad Lenina”, “Oktyabrskaya”, “Kupalovskaya” və “Ploşad Pobedı”.

***

Belarus Daxili İşlər Nazirliyinin (DİN) mətbuat katibi Olqa Çemodanova “RİA Novosti”yə açıqlamasında bildirib ki, Minskdə iki saat davam edən icazəsiz aksiya zamanı 125 nəfər saxlanılıb.

***

Bir neçə min etiraz aksiyası iştirakçısı Belarus Prezidenti Aleksandr Lukaşenkonun Minskdəki iqamətgahına yaxınlaşıb. “Qafqazinfo” bildirir ki, bu barədə “TASS” xəbər verib.

İqamətgah OMON dəstələri və Daxili Qoşunların bölmələri ilə əhatəyə alınıb.

Etirazçılar heç bir hərəkət etmirlər.

***

Minskdə başlayan güclü yağış səbəbindən prezident iqamətgahı önünə toplaşan etirazçılar dağılışmağa başlayıb.

Onlar kütləvi şəkildə ərazini tərk edirlər.

***

Minskdə icazəsiz aksiya zamanı Belarus hüquq-mühafizə orqanları tərəfindən saxlanılanların sayı 140-a yüksəlib.  Bunu “TASS”a Belarus Daxili İşlər Nazirliyinin (DİN) mətbuat katibi Olqa Çemodanova deyib. Daha əvvəl bu rəqəm 125 idi. 

 

Daha tez məlumatlanmaq üçün yeni Facebook səhifəmizi

Şərhlər



Haqqımızda

“BizimXƏBƏR” Media Mərkəzi MMC
Baş redaktor Ədil Hüseynli
Şef redaktor Şaiq Mustafayev

Bizimxeber_az@mail.ru;adil-1980@mail.ru
Mobil və Whatsapp  -  (077) 611-44-00; (050) 514-27-84