Mərdan Camalov Zərdabdakı həbslərdən danışdı: "O yoldaşlar..."  

16:01 - 29 İyul
    1585 oxunma

Zərdab rayon İcra Hakimiyyətinin başçısı Mərdan Camalov rəhbərlik etdiyi qurumda hüquq-mühafizə orqanlarının əməliyyat keçirilməsinə dair yayılan məlumatlara münasibət bildirib. 

Bizimxeber.az xəbər verir ki, məsələ ilə bağlı "MediaPost”a açıqlama verən Mərdan Camalov rəhbəri olduğu qurumda belə bir  əməliyyatın keçirilmədiyini bildirib:
"Əgər Dövlət Təhlükəsizlik Xidməti (DTX), Baş Prokurorluq və yaxud Daxili İşlər Nazirliyi hər hansı bir rayonda əməliyyat keçirirsəh bu barədə dərhal mətbuat xidmətləri açıqlama verirlər. Ona görə, heç kim özündən Amerika çıxarmasın.

İcra hakimiyyətində heç kim həbs edilməyib. Sadəcə lazım olan müəyyən məsələlərlə bağlı 1 ay əvvəl işdən çıxardığım icra nümayəndəsi və bələdiyyə sədri saxlanılıblar. Bu barədə də KİV-lərə məlumat veriləcək. O yoldaşlar nə icra hakimiyyətinə gəlib əməliyyat keçirib, nə də buradan kimsə həbs olunub”.

Mərdan Camalov hüquq-mühafizə orqanları tərəfindən rayonun İcra Hakimiyyətinin Memarlıq və Tikinti şöbəsinin müdiri Sahid Abuseyid oğlu Əhmədov izahat alındığını və onun həbs edilmədiyini bildirib: "Nəsə lazım olub deyə, onu çağırmışdılar. Hazırda memar da, mən də öz yerimdəyəm”. M.Camalov Azərbaycanda bəzi xəbər saytlarını yaydıqları məlumatlara görə də qınayıb: "Onlar öyrəşiblər ki, hər kəsin pis işinə sevinsinlər. Ancaq bilmirlər ki, Allah göydən baxır. Pis işə sevinənin Allah öz başına gətirir”.


Daha tez məlumatlanmaq üçün yeni Facebook səhifəmizi




Şərhlər



Haqqımızda

“BizimXƏBƏR” Media Mərkəzi MMC

Baş redaktor Ədil Hüseynli
Şef redaktor Şaiq Mustafayev
 
  Bizimxeber_az@mail.ru 
  adil-1980@mail.ru

  Mobil və Whatsapp  -  (077) 611-44-00
                                        (050) 514-27-84