İtaliyada da basketbol çempionatı yekunlaşdırıldı

22:44 - 07 Aprel
    34972 oxunma

Basketbol üzrə İtaliya çempionatında 2019/2020 mövsümü vaxtından əvvəl başa çatdırılıb.

Bizimxeber.az-ın federasiyanın rəsmi saytına istinadən verdiyi məlumata görə, buna koronavirus pandemiyası fonunda epidemioloji vəziyyət səbəb olub. Qərar qəbul olunarkən, hökumətin tam təhlükəsizlik şəraitində idman yarışlarının mümkün bərpası ilə bağlı heç bir tarix müəyyənləşdirməməsi göstərilib.

Habelə, A və B Seriyasındakı bir çox klub əcnəbi oyunçularına öz ölkələrinə getmələri üçün icazə verib.

Daha əvvəl Avroliqanın müntəzəm mövsümü koronavirus səbəbindən aprelin 11-dək dayandırılıb. Ardından yarışlarda pauza qeyri-müəyyən müddətədək uzadılıb.

İndiyədək İtaliyada koronavirusa 135 586 yoluxma, 17 127 ölüm halı qeydə alınıb. Son sutka ərzində 604 nəfər dünyasını dəyişib. İtaliya dünyada koronavirusdan ölüm sayında birinci yerdədir.

Qeyd edək ki, aprelin 3-də Azərbaycan Super Liqası dayandırılıb və "Zirvə Astara" çempion elan olunub. 


Daha tez məlumatlanmaq üçün yeni Facebook səhifəmizi




Şərhlər



Haqqımızda

“BizimXƏBƏR” Media Mərkəzi MMC

Baş redaktor Ədil Hüseynli
Şef redaktor Şaiq Mustafayev
 
  Bizimxeber_az@mail.ru 
  adil-1980@mail.ru

  Mobil və Whatsapp  -  (077) 611-44-00
                                        (050) 514-27-84