Ermənistanın silah oliqarxı həbs edildi

13:46 - 01 Fevral

10120 oxunma

Ermənistan Milli Təhlükəsizlik Xidməti Müdafiə Nazirliyinə köhnə və istifadəyə yararsız top mərmiləri satmaqda günahlandırılan iş adamı David Qalstyanı həbs edib. Bizimxeber.az bu barədə Ermənistan Milli Təhlükəsizlik Xidmətinin mətbuat orqanı açıqlama verib.

David Qalstyan xaricdə qeydiyyatdan keçmiş bir şirkətin idarə heyətinin sədri olmaqla eyni şirkətin direktoru A.B. ilə əvvəlcədən razılaşdırılaraq fondları, xüsusilə böyük miqdarda oğurluq üçün Müdafiə Nazirliyi ilə 1983-1986-cı illərdə istehsal olunan top mərmiləri tədarükü barədə müqavilə bağlayıblar. Bununla belə, tədarük zamanı bağlanmış müqavilənin tələblərinə cavab verməyən, yəni 1977-ci il istehsalı olan Çexiya silahları üçün köhnə mərmilər təhvil verilib.

“Taktiki və texniki xüsusiyyətlər baxımından çatdırılan mərmilər tədarük edilməli olanlardan xeyli dərəcədə aşağı idi. Bu mərmilərlə döyüş tapşırıqlarını həll etmək mümkün deyildi. Əməliyyat nəticəsində Qalstyanın şirkətinə 523 milyon dram (təxminən 1,08 milyon dollar) vəsait ödənilib”, - deyə açıqlamada qeyd olunub.

Bildirilib ki, Qalstyan və şirkətin direktoru bu prosesdə təqsirləndirilən şəxs qismində iştirak edirlər. MTX hər ikisinə qarşı qabaqlayıcı tədbir kimi həbsdən istifadə edilməsi barədə məhkəməyə müraciət edib. Dövlətə vurulmuş ziyanın bərpası, korrupsiya mexanizmində əlaqəli olan şəxslərin müəyyənləşdirilməsi və məsuliyyətə cəlb edilməsi üçün zəruri istintaq tədbirləri görülür.

Bizimxeber.az

Daha tez məlumatlanmaq üçün yeni Facebook səhifəmizi