Ermənistan Milli Təhlükəsizlik Xidmətinə yeni rəhbər gətirildi - Yenilənib

17:05 - 08 Noyabr
    5960 oxunma

Qarabağda aparılan döyüşlərdə Azərbaycana məğlub olan Ermənistan rəhbərliyi ölkənin güc struklarının idarəolunmasında da çətin vəziyyətə düşüb.  Milli Təhlükəsizlik Xidmətinin direktoru postunu icra edən Mikael Hambartsumyan vəzifəsindən azad olunacaq.

Bu barədə “aysor.am” portalına Ermənistan Prezidentinin köməkçisi Asmik Petrosyan məlumat verib. O bildirib ki, bununla bağlı baş nazir Nikol Paşinyan Prezidentə təklif edib.

“Fərman hələ imzalanmayıb”, - deyə Petrosyan bildirib.

Qeyd edək ki, M. Hambartsumyan cari il 8 oktyabr tarixində Milli Təhlükəsizlik Xidmətinin direktoru vəzifəsinə təyin edilib.

Xatırladaq ki, son zamanlar Ermənistan Milli Təhlükəsizlik Xidmətinin əks-kəşfiyyat şöbəsinin rəisi, general-mayor Ovannes Karumyan, Ermənistan Milli Təhlükəsizlik Xidmətinin sərhəd qoşunları komandanı Vaqinak Sarkisyan və Milli Təhlükəsizlik Xidmətinin sərhəd qoşunlarının qərargah rəisi Qaqik Tevosyan, həmçinin Ədliyyə Nazirinin müavini Vahe Danielyan tutduqları vəzifədən azad olunublar.

***

Ermənistan Prezidenti Armen Sarisyan Armen Abazyanın ölkənin Milli Təhlükəsizlik Xidmətinin direktoru təyin edilməsi barədə fərman imzalayıb.

Qeyd olunur ki, A. Abazyan 12 avqust 2020-ci ildə Milli Təhlükəsizlik Xidmətinin direktor müavini təyin edilib.

Daha tez məlumatlanmaq üçün yeni Facebook səhifəmizi
Loading...



Haqqımızda

“BizimXƏBƏR” Media Mərkəzi MMC
Baş redaktor Ədil Hüseynli
Şef redaktor Şaiq Mustafayev

Bizimxeber_az@mail.ru;adil-1980@mail.ru
Mobil və Whatsapp  -  (077) 611-44-00; (050) 514-27-84